Friday, February 26

पाथीभराको जङ्गलमा एक साता देखि लागेको डढेलो अझै नियन्त्रणमा आएन

December 31, 2020 90

पाथीभराको जङ्गलमा एक साता देखि लागेको डढेलो अझै नियन्त्रणमा आएन

ताप्लेजुङ । ताप्लेजुङको पाथीभरा क्षेत्रको जङ्गलमा एक साता देखि लागेको डढेलो अझै नियन्त्रणमा आउन सकेको छैन । अहिले पनि मन्दिरको तल्लो स्थानमा डढेलो लागिरहेको छ ।

फुङलिङ नगरपालिका ९ को फावाखोलाबाट फुरुम्बुको मयममा डढेलो फैलन नदिन प्रयास भइरहेको पाथीभरा मन्दिर क्षेत्र विकास समितिका कार्यकारी अधिकृत मनमणी काफ्लेले जानकारी दिए ।

गत बिहीबार देखि लागेको डढेलोले पाथीभरा मन्दिर नै जोखिममा परेपछि हेलिकप्टरबाट समेत पानी फ्याँकेर मन्दिर जोगाउन सफल भएको थियो ।

नेपाली सेना, नेपाल प्रहरी, सशस्त्र प्रहरी, पाथीभरा क्षेत्रका नागरिक र मन्दिरका कर्मचारीले डढेलो नियन्त्रणका लागि अग्नि रेखा बनाउने, सम्भावित डढेलो क्षेत्रमा झ्यासझुस हटाउने र रूखका हाँगा कटान छटान गर्ने लगायतका सबै कार्य गरिरहेको पनि कार्यकारी काफ्लेले जानकारी दिए ।

यता डढेलोले पानीको पाइप जल्दा माथिल्लो फेदिका स्थानीयलाई खानेपानीको समस्या भएको छ ।

प्रतिकृया दिनुहोस्