News

कोरोना प्रकोपबीच लकडाउन खुकुलो बनाउन भारत सरकार तयार, दिल्ली असन्तुष्ट

कोरोना भाइरस ‘कोभिड १९’ को प्रकोपबीच भारत सरकार लकडाउन खुकुलो बनाउन तयार भएको छ।

भारतको गृह मन्त्रालयले शुक्रबार साँझ एक सूचना जारी गर्दै आवश्यक सुरक्षाका उपायहरु अबलम्ब गरेर पसलहरु खोल्न सकिने बताएको छ।

उक्त सूचनामा मदिरा पसल खोल्न भने अनुमति नदिएको उल्लेख गरिएको छ। साथै कोरोनाले अति प्रभावित क्षेत्रमा रहेका पसल पनि खोल्न पाइनेछैन।

पसलहरु खोल्दा ५० प्रतिशत मात्र कामदार राख्न पाइनेछ। उनीहरुले व्यक्ति–व्यक्तिबीचको दुरीको नियम पालना गर्नुपर्नेछ।

यसैबीच पसलहरु खोल्ने केन्द्र सरकारको निर्णयलाई दिल्ली सरकारले अस्वीकार गरेको छ।

हिन्दुस्तान टाइम्सका अनुसार दिल्ली सरकारले अवस्थालाई मध्यनजर गर्दै २७ अप्रिलपछि मात्र केन्द्र सरकारको निर्णय मान्ने या नमान्ने विषयमा छलफल हुने बताएको छ।

भारतमा हालसम्म २४ हजारभन्दा बढी कोरोना संक्रमित बनेका छन्। यीमध्ये ७८० को मृत्यु हुँदा ५ हजार ४९८ उपचारपछि स्वस्थ बनेका छन्। एजेन्सी

Related Articles

Back to top button
Close