Monday, January 25

एउटा म्यानपावरको डिमाण्ड, अर्कैबाट अन्तर्वार्ता र चर्को अशुली (भिडियो सहित)

January 10, 2021 79

अनिल अधिकारी | पुस २४, काठमाडौँ | बहराइनको एक कम्पनीमा वैदेशिक रोजगारमा जान लागेका पाँच जना युवाहरुले शुक्रबार बिहान वैदेशिक रोजगार विभागमा उजुरी दिए । उनीहरुको गुनासो थियो ‘म्यानपावरले बहराइन जान प्रति व्यक्ति १ लाख ३० हजार माग्यो ।’ उनीहरुले विभाग समक्ष गुनासो गर्दै भने ‘हामीसँग म्यानपावरले जनही १ लाख ३० हजार मागेको छ । ५० हजार पहिलेनै बुझाएका छौं, हामीसँग म्यानपावरले मागेको जति पैसा त छ तर काठमाडौँ बस्दा होटलमा तिर्नु पर्ने र एयरपोर्टसम्म पुग्ने भाडा पुग्दैन । त्यहि भएर म्यानपावरसँग १/१ हजार छुट दिन आग्रह गर्यौं तर मानेन । त्यहि भएर उजुरी दिन बिभाग आउन बाध्य भयौं ।’

पीडितहरुको समस्यामा वैदेशिक रोजगार विभागले तत्काल एक्सन लिने योजना बनाएर अनुगमन टोलीसहित बसुन्धरा चौकीमा रहेको ग्रोथ प्रोसेस इन्टरनेशनल इम्प्लोइमेन्ट म्यानपावरमा छापा हान्यो । छापा हान्ने क्रममा युवाहरुले बुझाएको २ लाख ६२ हजार नगद सहित म्यानपावरका कर्मचारी प्रदिप भण्डारी रंगेहात समातिए । म्यानपावरको जनसम्पर्क डेस्कमा कार्यरत भण्डारीले म्यानपावरका बादल दंगालीको आग्रहमा पीडितहरुसँग पैसा लिएको स्वीकारेका छन् ।

वैदेशिक रोजगार विभागले अनुसन्धानको क्रममा एक्सिस पार्टनर नेपाल प्रा.लिमा आएको डिमाण्डको अन्तर्वार्तादेखि अशुलीको काम समेत ग्रोथ प्रोसेस इम्प्लोइमेन्ट प्रा.लिमा भएको खुलेको छ । ग्रोथ प्रोसेस म्यानपावरमा कार्यरत भनिएका बादल दंगाली एक्सिस पार्टनर नेपालका समेत आवद्ध रहेको अशुलीमा संलग्न कर्मचारी प्रदिप भण्डारीले बताएका छन् ।

विभागले अनुगमन गर्ने क्रममा ग्रोथ प्रोसेस म्यानपावरका संचालकलले आफ्नै म्यानपावरमा भएको आर्थिक कारोवारबारे थाहा नभएको बहाना बनाएका छन् ।
Source-sajhasabal.com

प्रतिकृया दिनुहोस्