Tuesday, January 26

‘भोइस अफ नेपाल सिजन ३’ मा यसकारण आउट भइन् आस्था राउत

January 13, 2021 49

काठमाडौ । नेपालको चर्चित सिंगिङ रियालिटी सो भोइस अफ नेपाल सिजन ३ चाँडै प्रशारणमा आउँदैछ। सिजन ३ मा केही फेरवदल देखिने भएको छ । आयोजनकले निर्णायक मण्डलमा फेरवदल गरेको हो ।

नयाँ सिजनमा एक जना निर्णायकलाई हटाएर नयाँ ल्याइएको छ । भोइसको तेस्रो संस्करणमा दोस्रो सिजनकी कोच आस्था राउतको स्थानमा अर्की चर्चित गायिका त्रिश्ना गुरुङलाई कोचको रुपमा देख्न पाइनेछ। यसअघि पहिलो सिजनबाट दोस्रो सिजनमा आउँदै गर्दा भोइसले दुई कोचर परिवर्तन गरेको थियो।

दोस्रो सिजनमा सनुप पौडेलको स्थानमा राजु लामा र अभया सुब्बाको स्थानमा आस्था राउतलाई प्रतिस्थापन गरिएको थियो। निर्णायक परिवर्तन गर्नुको कारण भने आयोजनकले खुलाएको छैन ।

केही नयाँपन दिन यस्तो गरिएको हुन सक्ने अनुमान गरिएको छ । भोइस अफ नेपालको पहिलो संस्करणको विजेता सिडी बिजे अधिकारी हुन् भने दोस्रो संस्करणमा राम लिम्बु विजेता बनेका थिए।

प्रतिकृया दिनुहोस्