News

दक्षिण कोरियामा पाँच लाखको रोजगारी गुम्यो, नेपाली पनि प्रभावित

काठमाडौं : को;रोनाका कारण दक्षिण कोरियामा झण्डै पाँच लाख रोजगारी गुमेको छ। यति धेरै रोजगारी गुमेको यो दुई दशकयताकै उच्च हो। कोरियाको एक तथ्याङ्क अनुसार गएको महिना मात्र चार लाख ७६ हजारभन्दा बढीले रोजगारी गुमाएका छन्। यो सङ्ख्या सन् १९९९ पछिको सबैभन्दा बढी हो। यसरी रोजगारी गुमाउनेमा अधिकांश अस्थायी तथा पार्टटाइम कामदार छन्।

प्रायः सबै क्षेत्रमा यसको प्रभाव देखिए पनि विशेषगरी होलसेल तथा खुद्रा व्यवसाय, होटेल, पर्यटन,कृषि प्याकिङ तथा प्याकेजिङ, शिक्षा सेवा, मनोरञ्जन सेवालगायत क्षेत्र अत्याधिक प्रभावित देखिएका छन्। उक्त स्थानमा सामाजिक दूरी तथा सेवा क्षेत्र हेरेर जोखि मयुक्त क्षेत्रमा लगाइएका लकडाउनका कारण रोजगारी गुमेको हो । विभिन्न व्यावसायिक कम्पनीमा कामदारको माग न्यून हुन थालेपछि गत महिना मात्र उक्त संख्यामा रोजगारी गुमेको हो।

यसका साथै उत्पादनमूलक क्षेत्रमा पनि यसको प्रभाव देखिएको छ। दैनिक आठदेखि १६ घण्टाभन्दा बढी कामहुने अधिकांश उत्पादनमूलक क्षेत्रमा पनि घटेर दैनिक आठ घण्टा मात्र काम हुने वा कम्पनीले सूचना टाँस गरी बेतलबी बिदा दिने वा वार्षिक रुपमा प्राप्त हुने तलबी बिदा घट्ने गरी बिदामा बस्न लगाउने क्रम बढेको छ।

यसको प्रत्यक्ष प्रभाव नेपालीलाई पनि परेको छ। दक्षिण कोरियाले अधिकांश उत्पादन विदेश निर्यात गर्छ । तथ्याङ्क अनुसार रोजगारी गुमाउनेमा विशेषगरी १५ देखि २९ वर्ष उमेर समूहका युवा छन्। उनीहरूको संख्या कुल गुमेको रोजगारी संख्यामध्ये ४०।९ प्रतिशत अर्थात् दुई लाख ४५ हजार छ।

Related Articles

Check Also
Close
Back to top button
Close