News

सफल भयो कोरोनाविरुद्धको परीक्षण खोप, सोचेभन्दा राम्रो काम गरेको अमेरिकाको दाबी

अमेरिकामा कोरोना भाइरसविरुद्ध मानिसमा गरिएको पहिलो चरणको प;रीक्षण खोप सफल भएको छ। नेसनल इन्स्टिच्युट अफ हेल्थको साझेदार बायोटेक कम्पनी ‘मोडेर्ना’ ले बनाएको यो खो;पले अ;पेक्षा गरिएभन्दा बढी काम गरेको वैज्ञानिकले बताएका छन्।
एमआरएनए-१२७३ नामक खोपले शरीरमा असर पनि कम गरेको पाइएको मोडेर्नाले सोमबार साँझ जानकारी दिएको हो।उसका अनुसार खोप लगाइएका मानिसमा कोरोना भाइ;रससँग लड्ने प्र;तिरोधी क्षमता निको भइसकेका बिरामीको बराबर वा त्यसभन्दा ज्यादा पाइएको छ।
पहिलो चरणमा ८ स्वस्थ व्यक्तिमा गरिएको परीक्षण नतिजा सार्वजनिक गर्दै मोडर्नाले भनेको छ, ‘८ स्वस्थ स्वयंसेवीमा गरिएको परीक्षणबाट यो खोप सुरक्षित देखिनाका साथै रो;ग प्रतिरोधक क्षमता बढाउन सफल भएको छ।’

मोडर्नाका अनुसार गत मार्चमा परीक्षण सुरु याे खाेप ती ८ मानिसमा दुईपटक लगाइएको थियाे र त्यसले रगतमा रोगसँग लड्ने ‘एन्टिबडी’ विकास भएको पाइयाे। त्याे एन्टिबडी प्रयोगशाला परीक्षण गर्दा त्यसले शरीरभित्र कोरोना भाइरस फैलिनबाट रोक्न सक्ने देखिएको उसकाे भनाइ छ।
मोडेर्नाका प्रमुख कार्यकारी अधिकृत स्टिफन बैसेलले तत्काल अब योभन्दा उत्तम नतिजाको आशा गर्न नसकिने दाबी गरेका छन्।तर यो खोप थप परीक्षणपछि मात्र बजारमा आउन सक्ने कम्पनीका प्रमुख मेडिकल अफिसर डा. ताल ज्याक्सले बताएका छन्। आगामी परीक्षण पनि सफल भए सन् २०२१ को जनवरीसम्ममा खोप सर्वसाधारणका लागि उपलब्ध हुने उनले जानकरी दिएका छन्।यो खोप परीक्षणमा सहभागी नभएका खोप विज्ञले समेत यसलाई ठूलो उपलब्धि भनेका छन्। -नेपालखबर

Related Articles

Back to top button
Close