News

सरकारले नयाँ नक्सा सार्वजनिक गरेपछि खुशी हुँदै पूर्व राजा ज्ञानेन्द्रले दिए यस्तो प्रतिकृया

काठमाडौं । बुधबार सरकारले नयाँ नक्सा सार्वजनिक गरेपछि पूर्वराजा ज्ञानेन्द्र शाहले खुशी व्यक्त गरेका छन् । उनले देशको सम्पूर्ण भू–भाग सहितको नक्शा विश्वसामु प्रस्तुत गर्नु सह्रानीय कार्य भएको भन्दै सीमाका समस्याहरू द्विपक्षीय या त्रिपक्षीय वार्ताबाट नै हल गर्नु सरकारको दायित्वरहेको बताएका छन् ।

बुधबार सरकारले लिपुलेक, लिम्पियाधुरा सहितको नक्सा औपचारिक रुपमा सार्वजनिक गरेपछि पूर्वराजा शाहले ट्वीट गर्दै यस्तो बताएका हुन्। उनले ट्वीटमा लेखेका छन् ‘आफ्नो मातृभूमिको सम्पूर्ण भू–भाग सहितको नक्शा विश्वसामु प्रस्तुत गर्नु सह्रानीय कार्य हो ।

नक्शामा समावेश भूभागमा आफ्नो आधिपत्य स्थापित गर्न सीमाका समस्याहरु द्विपक्षीय या त्रिपक्षीय वार्ताबाट नै हल गर्नु सरकारको दायित्व हो। यसमा कसैद्वारा बाधा आए अन्तर्राष्ट्रिय स्तरमा जानुपर्दछ।’ भारतले केही दिनअघि नेपाली भूमि लिपुलेक हुँदै मानसरोवर जोड्ने सडकको उद्घाटन गरेपछि भारतको यस कार्यको तिब्र बिरोध भएको थियो ।

Related Articles

Back to top button
Close