News

मन्त्रीपरिषदको बैठक सकियो,लकडाउन खोल्ने वा थप्ने बारे के भयो निर्णय ?

काठमाडौं: सरकारले कोरोना भाइरस को संक्रमण रोकथामका लागि देशव्यापी लकडाउन गरेको बिहिवार एक महिना पुगिसकेको छ ।

गत चैत ११ गतेबाट सुरु भएको लकडाउन सरकारले तेस्रो पटक गरी वैशाख १५ गतेसम्मका लागि लकडाउन लम्ब्याएको थियो ।

सरकारले घोषणा गरेको लकडाउनको म्याद अब सोमबार सकिँदै छ । यसैबीच शुक्रबार बसेको मन्त्रिपरिषद बैठकले लकडाउनका सम्बन्धमा कुनै निर्णय गर्ने अपेक्षा गरिएको थियो तर सरकारले ल्याएको अध्यादेश फिर्तागर्ने भएपछि लकडाउनको बारे कुनै पनि निर्णय गरिएको छैन।
यो पनि पढ्नुस

ओखलढुङ्गा, १२ बैसाख । उदयपुरबाट आएर ओखलढुङ्गाको रामपुरमा क्वारेन्टाइनमा बसेकी एक अविवाहित युवतीले मृत शिशुलाई जन्म दिएकी छन् ।

मोलुङ गाउँपालिका–१ की १६ वर्षीया अविवाहित युवतीले क्वारेन्टाइनमा बसेकै बेला बच्चा जन्माएकी हुन् । मङ्गलबार साँझ क्वारेन्टाइनमा ल्याइएकी युवतीको स्वास्थ्यमा बुधबार समस्या देखिएको थियो ।

केही समयपछि मृत शिशु जन्मिएको गाउँपालिकाका सूचना अधिकारी गोपाल नेपालले जानकारी दिए । शिशुको मृत्यु भइसकेको र आमाको स्वास्थ्यमा थप समस्या देखिएपछि ओखलढुङ्गा सामुदायिक अस्पताल पठाइएको उनको भनाइ छ ।

‘अघिल्लो दिन उदयपुरबाट आएको हुनाले क्वारेन्टाइनमा राख्ने भनेर ल्याइयो । भोलिपल्ट बच्चा पो जन्मियो । समय नपुगी जन्मिएर होला शिशु खासै स्वस्थ जस्तो थिएन’, उनले भने, ‘मृत शिशु प्रहरीको जिम्मा लगायौैं र आमालाई यहाँको स्वास्थ्य संस्थामार्फत अस्पतालमा सिफारिस गरिएको छ ।’

क्वारेन्टाइनमा बच्चा जन्माउने युवतीलाई अहिले ओखलढुङ्गा सामुदायिक अस्पतालको आइसोलेसनमा राखिएको छ । रक्तस्रावको केही समस्या भए पनि युवतीको स्वास्थ्य अवस्था सामान्य रहेको अस्पतालले जनाएको छ ।

कोरोनाको डरले शिशुको शव परीक्षण भने गरिएको छैन । आमा केही दिनअघि मात्रै उदयपुरबाट आएकाले कोरोनाको सङ्क्रमण हुनसक्ने डरले परीक्षण नगरेको बुझिएको छ ।

शिशुको शव परीक्षण गरे–नगरेको विषयमा इलाका प्रहरी कार्यालय वरुणेश्वरका प्रहरी निरीक्षक श्रीप्रसाद राईले कुनै प्रतिक्रिया दिए । ‘अविवाहित भनिएकी युवतीले मृत शिशु जन्माएकी हुन् ।

अहिलेलाई यत्ति भनौं । शिशुको शव परीक्षणलगायतका कुरा पछि गरौंला नत्र माथिल्लो निकायमा सोध्नुस्’, प्रहरी निरीक्षक राईले भने ।

Related Articles

Back to top button
Close