News

सर्तकता नअपनाउँदा नेपालमा पनि कोरोनाले भयाभह रुप लियो, ७ नेपाली सेना कोरोना संक्रमित

काठमाडौँ — नेपालमा दैनिक १ सय भन्दा बढीमा कोरोना संक्रमण देखिन थालेको छ । सुरुमा दैनिक ८ १० जनाको दरका हिसाबले देखिन थालेको भएता पनि अहिले आएर यो संख्या १ सातामा नै ह्वात्तै बढेको छ । आज नेपालमा सर्वाधिक धेरै १ सय १४ जनामा कोरोना संक्रमण देखिएको छ । जसमध्ये हालसम्म ७ नेपाली सेना संक्रमित भएका छन् ।

सैनिक प्रवक्ता विज्ञानदेव पाण्डेका अनुसार नेपालभित्र ४ र अन्तर्राष्ट्रिय शान्ति स्थापनार्थ खटिएका ३ सैनिकमा कोरोना भाइरस संक्रमण देखिएको हो । प्रवक्ता पाण्डेले शान्ति स्थापनार्थ मालीमा बुधबार २ र दक्षिण सुडानमा १ जनामा कोरोना संक्रमण पुष्टि भएको हो । त्यस्तै पछिल्ला दिनमा भारतबाट आउनेहरुमा संक्रमण देखिएका कारण नाकाका प्रहरीमा पनि कोरोना देखिन थालेको छ ।

यसैबिच बाँके जिल्लामा कोरोना सङ्क्रमण भएकामध्ये २२ जना उपचारपछि घर फर्किएका छन् । जिल्लामा संक्रमण रोकिन आजसम्म रोकिन सकेको छैन । जिल्लामा आज मात्र थप १६ जनामा संक्रमण पुष्टि भएको छ । जिल्लाका आठ स्थानीय तहमध्ये आजसम्म छ स्थानीय तहमा कोरोना सङ्क्रमित भेटिएका छन् । आज जिल्लाका चार स्थानीय तहका १६ जनामा संक्रमण देखिएपछि संक्रमितको संख्या १७० पुगेको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो । उहाँका अनुसार आज बाँकेका बैजनाथ गाउँपालिकामा ६, राप्तीसोनारी सात, डडुवामा दुई र खजुरामा एक जनामा सङ्क्रमण देखिएको हो ।

जिल्लामा नरैनापुर गाउँपालिका कोरोना सङ्क्रमणको केन्द्रविन्दु बन्न पुगेको छ । नरैनापुरमा मात्र एक जनाको ज्यान जाने गरी ११४ जनामा कोरोना सङ्क्रमण फैलिएको जिल्ला स्वास्थ्य कार्यालय बाँकेका फोकल पर्सन श्रेष्ठले बताउनुभयो । बाँकेका २२ कोरोना सङ्क्रमित उपचारपछि निको भई घर फर्किएका छन् । आज थपिएकाहरुलाई सम्बन्धित स्थानीय तहमा निर्मित आइसोलेशन केन्द्रमा राखेर उपचार गर्ने तयारी भइरहेको जिल्ला स्वास्थ्य कार्यालय बाँकेका फोकल पर्सन श्रेष्ठले जानकारी दिनुभयो ।

मलेसियाबाट आउनेमा सङ्क्रमण
रुकुम९पूर्व०– जिल्लामा पहिलो पटक कोरोना संक्रमित भेटिएका छन् । प्रदेश नं ५ को एक मात्र हिमाली जिल्ला रुकुम ९पूर्व० को पुथाउत्तरगंगा गाउँपालिकाका तीन जनामा कोरोना संक्रमण पुष्टि भएको हो । गाउँपालिका वडा नं १३ का २३ वर्षीय पुरुष, वडा नं १४ की १५ वर्षीया महिला र १८ वर्षीय पुरुषमा आज दाङस्थित राप्ती स्वास्थ्य विज्ञान प्रतिष्ठानले कोरोना संक्रणको पुष्टि गरेको छ ।

कोरोना परीक्षणका लागि जिल्लाभरबाट स्वाब संकलन गरिएका ५७ जनामध्ये तीन जनामा कोरोना पुष्टि भएको छ । अरुको रिपोर्ट भने नेगेटिभ आएको छ । कोरोना देखिएका २३ वर्षीय युवक गत चैत ६ गते मलेसियाबाट फर्किएका र अन्य दुई जना यही महिना बाराबाट फर्किएको जिल्ला स्वास्थ्य कार्यालयले जनाएको छ । उनीहरु बारामा इँटाभट्टामा काम गरेर फर्किएका हुन् ।

कोरोना पुष्टि भएका दुई जना सिद्धमण्डली मावि राङ्सीको क्वारेन्टाइन तथा मलेसियाबाट आएका युवा होम क्वारेन्टाइनमा रहेका छन् । ती युवकको गत वैशाख १२ गते आरडिटी विधिबाट कोरोना भाइरस परीक्षण गरिएको थियो । आरडिटीबाट उनको कोरोना रिपोर्ट नेगेटिभ आएको जिल्ला स्वास्थ्य कार्यालय रुकुम ९पूर्व० का निमित्त कार्यालय प्रमुख यादव शर्माले जानकारी दिनुभयो ।

Related Articles

Back to top button
Close